In ‘n Ander Man se Agterplaas
9.11.23
VIR MY MAN ! Dàar’s nou ‘n MAN!
In i’n ander man se agterplaas
kronkel-pad ons wild
Deur rooi-sand kinkels… nog i’n bult
Lei die spore ons soms ongewild
Witstof, stof-voetspore
trap diep-duike in die sand
‘N merk gemaak,… ‘k was vlusies hier,
alvorens wel-vergete, ons by ruskant neer gaan lê
Stof is jy mens, en tot stof is jy hierna-mals.
benoud lê ‘niet’ en ‘nuut’, dan sy aan sy
Maar nou en hier, in hierdie uur…
‘Leef-die-Lewe’, steeds verblyd!
Lang skaduwees rek oor die sandpad traag
van Oos na Wes trek die Son sy snaar –
Sleep Hy die Lig, Sy strepe mee
Dis moi hoe die Lig hom wis bekeer
I’n swart volstruis strek sy vlerke wyd
die koel bries vang waar die hitte knyp
Een ander skop i‘n stofwolk op
lê diep genessel in sy stofbad-pot
Wind’ waai die grasrietjies dwars gevleg
Wit-gepunt staan hul strepies in die wind
Winde waai die hempie plat gedruk
Daar is i’n MAN op die land…, een Man wat bid
Die grond smeek vir i‘n druppel reën
die vore lê moeg en lank gesny
Die saad wag gretig droog indie skuur…
afwagtend vir die goeie-grond se uur
As i’n man se perd, styf-sit hier onder hom
het die lewe weer i‘n lied (by)gekry
Daars i’n vuur wat hoog-brand in sy binnekas
“Hier moet i‘n man nou boer!”
Die reën het geval! Horison-hoop!
Diep-en-wyd het Hy nat gemaak
Die goeie-grond se uur is hier
Kyk! Sy hierna-mals kos Hom baie duur
Met ploeg en skaar lê die saad in die grond,
die aarde ruk-n-bewe hier onder rond
Die oes lê ryp… die oes is af…
Diè man het grond… groot geboer!
Stof is jy mens! En tot stof is jy hierna-mals…
Kyk hoe trek die stof soos mis
Die stof weeg lig, dit vlug vooruit…
Want stof…
is lig!
-o-o-o-o-o-
Dankie, my man, … dankie pa… !
Vir alles wat jy doen en vir wie jy is voor en in Hom!
Alna@T
09/11/2023
Woordlys:
Ongewild – op en af
Vergete – die dood
Ruskant – ewigheid
Lig/Son – Christus
Nuut – hiernamals
Niet – hier en nou, die tydelike
Goeie -grond – in die Bybel se idioom van saad wat val op goeie grond
Stof – die mens se nietigheid in die ewigheids konteks
Ploeg en skaar – Christus het gelei om Sy Woord se saad na ons te bring
