TEMPEL

Matt 24:1-4

HERE! HERE! MY HERE!

RAAP MY OP TOT HOOG DAAR BO BY U

TOT IN U TROONKAMER-KNIEL

LAAT MY SIT OP VLERKE

VAN LIEFDE EN GENADE-GUNS.

LAAT MY SKUIL IN DIE NAAM, BO-AL-DIE-NAME

U BESKERMING VIND EN RUS…

SOOS EK VERTOEF IN HEILIGE TEENWOORDIGHEID

‘n VADER SE SOETE SUS.

HOU MY VAS TEEN DIE BORS VAN U GEREGTIGHEID

OMVOU MY MET DIE VUURGLOED VAN U GLORIE

LAAT DIE PUT VAN WAARHEID WAT LEWE GEE

MY SIEL VERKWIK EN HEEL.

LES MY DORS VANUIT DIE FONTEIN

VAN U LEWENDE-WATER, GEES

VOED MY ONVERMOë MET U VERKWIKKENDE WOORD-

DIE LEWENDE WOORD, MY DAAGLIKSE MANNA-BROOD.

LAAT DIE STENE VAN MY TEMPEL-MENS

VASSTAAN OP DIE FONDASIE VAN DIE CHRISTUS-OFFER-GAWE:

VERGIFNIS, VERGEWE

VRYSPRAAK EN OORVLOED LEWE.

OPSTAAN-OORWINNING

GENADE, ONBESKRYFLIK GROOT

MAG DIE WIT-GEPLEISTERDE MURE

VERBROKKEL TOT WEER NET STOF IN BROOD

DIE KLIP OP KLIP VAN TEMPEL-GLORIE

TOT NIET VERKLAAR, ‘n POF

– IN 3 DAE ‘GEBREEK!

EK NET MENS OOK SO IN NIETIGE NOOD.

SAL U DAN, O, GROOT MEESTERBOUER

GROOT POTTEBAKKER-HEER

WEER OPNEEM DIE KLEI van ADAM-STOF & WATER

IETS HEILIGS MAAK, IN GEES DAARBY VERMEER.

ALLES KOM SAAMVOEG, FYN MAAL EN SKAAF,

BREEK & VORM, DEURGAANS VERGEEF

DIT DAN OMVOU, BOU… AANHOU BLY WEEF

OM IETS MOOIS TE MAAK – BLY LEEF!

VIR U VAN NUT & WAARDE.

MOOI – NA U BEELD GESKAPE!

UIT U HART SE SKEPPING-S-WENS

U SE MENS – VAN MURG EN BEEN EN U SE GEES

Alna Terblanche    16/6/10